قانوني
الخصوصية
ملخص بسيط لإزاي بنتعامل مع بياناتك. النص الملزم موجود في شروط الخدمة وسياسة البيانات.
الموقع ده
موقع pumoai.com مفيهوش كوكيز تتبّع ولا إعلانات ولا أدوات تحليل من طرف تالت. اختيارك للوضع الفاتح أو الغامق بيتحفظ على جهازك بس.
فورم طلب التجربة
لما تبعت الفورم، بنحفظ الاسم والشركة والموبايل والإيميل (لو كتبته) والمنتجات وعدد الفروع والرسالة، مع عنوان الـIP ونوع المتصفح عشان نحمي الفورم من الإساءة.
بنستخدمها عشان نكلمك بخصوص طلبك بس، ومبنبيعهاش ولا بنديها لحد.
عايز نمسح طلبك؟ ابعتلنا من نفس الفورم وهنمسحه.
المنتجات
- بومو كام: التحليل على جهاز الفرع، والسحابة بتستلم أرقام وتنبيهات. الوشوش متموّهة في اللقطات، وهوية الموظف بموافقته المكتوبة بس.
- بومو: الذاكرة تقدر تشوفها وتمسحها وتقفلها، والأسرار زي كلمات السر وأرقام البطاقات مبتتحفظش.
- حساب بومو AI: تحقق بخطوتين، وكل حركة إدارية بتتسجل في سجل شركتك.
القانون
المنتجات مصممة على مبادئ قانون حماية البيانات الشخصية المصري رقم 151 لسنة 2020: الموافقة والشفافية وأقل بيانات ممكنة ومدة احتفاظ محددة. ده مش استشارة قانونية؛ كل شركة تراجع سياستها مع مستشارها.